20.05.2022. » 10:00 | ACDC


Konferenca publike: Parandalimi i korrupsionit



Më 19 maj, në ambientet e Kolegjit Ndërkombëtar të Biznesit në Mitrovicën e Veriut, OJQ Qendra Avokuese për Kulturë Demokratike (ACDC) organizoi konferencën publike “Parandalimi i Korrupsionit”. Konferenca trajtoi reagimin institucional ndaj korrupsionit në komunat veriore, me theks të veçantë në qasjen në informata me rëndësi publike si dhe rolin e Institucionit të Avokatit t Popullit të Kosovës në zvoglimin e korrupsionit.

konferenca-publike-parandalimi-i-korrupsionit
FOTO: ACDC

Më 19 maj, në ambientet e Kolegjit Ndërkombëtar të Biznesit në Mitrovicën e Veriut, OJQ Qendra Avokuese për Kulturë Demokratike (ACDC) organizoi konferencën publike “Parandalimi i Korrupsionit”. Konferenca trajtoi reagimin institucional ndaj korrupsionit në komunat veriore, me theks të veçantë në qasjen në informata me rëndësi publike si dhe rolin e Institucionit të Avokatit t Popullit të Kosovës në zvoglimin e korrupsionit.

Panelistë ishin Naim Qelaj, Avokati i Popullit të Kosovës, Millosh Markoviq, gjyqtar në Gjykatën Themelore në Mitrovicë dhe Dushan Radakoviq, Drejtor Ekzekutiv i ACDC.

Z. Markoviq deklaroi se Gjykata ka zero tolerancë kur bëhet fjalë për rastet e korrupsionit dhe deklaroi se korrupsioni është i vështirë për t'u vërtetuar dhe për këtë arsye shpeshherë nuk çon në dënim. Gjykatësi u bëri thirrje qytetarëve që të përfshihen më shumë në punën e gjykatës, të ndjekin më shpesh gjykimet dhe të jenë më të informuar për rastet. Z. Qelaj u pajtua se korrupsioni është i vështirë për t'u vërtetuar dhe theksoi se mungesa e raportimit nga qytetarët është një nga problemet qendrore, pasi besimi te institucionet nuk mund të rritet nëse nuk raportohen rastet. Z. Qelaj u shpreh gjithashtu se shumë gjëra varen nga vullneti politik dhe vetë qeveria, jo vetëm nga institucionet. Ai me këtë rast foli për kompetencat e Institucionit të Avokatit të Popullit në luftën kundër korrupsionit dhe shprehu gatishmërinë për të bashkëpunuar me sektorin civil.  Drejtori Ekzekutiv i OJQ ACDC, Dushan Radakoviq, theksoi se OJQ ACDC, përmes projekteve të saj synon të kontribuojë në uljen e korrupsionit dhe tha se është e rëndësishme që shoqëria civile të jetë e bashkuar në luftimin e korrupsionit.

Konferenca u organizua në kuadër të projektit Forcimi i Reagimit Institucional ndaj Korrupsionit në veri të Kosovës.

Ky grant mbështetet nga 'Program ii Shoqërisë Civilepër Shqipërinë dhe Kosovën' financuar nga Ministria e Punëve të Jashtme Norvegjeze dhe menaxhuar nga Fondacioni Kosovar për Shoqëri Civile (KCSF), në partneritet me Partner Shqipëria për Ndryshim dhe Zhvillim (AP).