Trajnimi do të ofrojë hapësirë për shkëmbimin e përvojave, diskutimin e pengesave me të cilat përballen personat LGBTQI+ në punësim dhe shqyrtimin e mënyrave praktike për të krijuar mjedise pune më gjithëpërfshirëse, me vëmendje të veçantë ndaj veriut të Kosovës.
- Data: 20–22 nëntor 2026
- Vendi: Vërmicë / Vrbnica, Prizren
- Gjuha e punës: anglisht
- Shpenzimet e transportit mbulohen nga organizatori.
Afati i aplikimit: 13 nëntor 2026, ora 23:59 (sipas kohës lokale në Kosovë).
Trajnimi organizohet në kuadër të projektit “Bringing Pride to the North 2.0”, i cili zbatohet nga ACDC si pjesë e projektit rajonal “Së bashku për barazinë LGBTQI+”. Projekti rajonal udhëhiqet nga Qendra për Edukim Qytetar (CCE), në partneritet me ERA – Shoqata për të Drejta të Barabarta LGBTI në Ballkanin Perëndimor dhe Turqi, Queer Montenegro, Queer Center nga Shkupi, Qendra e Hapur e Tuzllës, OJQ OMSA nga Shqipëria dhe Qendra për Zhvillimin e Grupeve Shoqërore nga Kosova. Projekti financohet nga Bashkimi Evropian.