Instalacioni u pikturua nga artistet e reja Tarija Hoxha dhe Katarina Kuzmanović, nën mentorimin e Miljana Dunđerin. Sipas Tarijas, ndërthurja e figurës së një gruaje dhe një peshku me motive të ujit dhe tokës paraqet lidhjen e pandashme ndërmjet njeriut dhe natyrës, duke tërhequr njëkohësisht vëmendjen ndaj pasojave të ndotjes së lumenjve.
“Një fotografi vlen sa një mijë fjalë, ndërsa përmes kësaj vepre artistike dëshiruam të përcillnim një mesazh të qartë: mbrojtja e lumenjve tanë nuk është vetëm çështje mjedisore – është çështje e mbijetesës sonë”, tha Tarija Hoxha.
Instalacioni do të mbetet si një mesazh i përhershëm për komunitetin se natyra nuk është e ndarë nga ne – e ardhmja e saj është edhe e ardhmja jonë.
Prezantimi i instalacionit artistik, i organizuar nga ACDC, është pjesë e Javës së Zhvillimit të Qëndrueshëm në Kosovë (KSDW) dhe kontribuon në bashkëpunimin rreth prioriteteve të zhvillimit të qëndrueshëm në Kosovë.