12.06.2026. » 14:43 | ACDC
Takim konsultativ për hartimin e Programit për Mbrojtjen dhe Avancimin e të Drejtave të Njeriut dhe Lirive Themelore u mbajt në Prishtinë
Më 10 qershor 2026, në Prishtinë u mbajt takimi konsultativ me organizatat e shoqërisë civile lidhur me hartimin e Programit për Mbrojtjen dhe Avancimin e të Drejtave të Njeriut dhe Lirive Themelore (2026–2031) dhe Planit të Veprimit (2026–2028).
Takimi u organizua nga OJQ ACDC në bashkëpunim me Zyrën për Qeverisje të Mirë pranë Zyrës së Kryeministrit dhe mblodhi përfaqësues të organizatave të shoqërisë civile për të dhënë propozimet dhe rekomandimet e tyre për përmirësimin e këtyre dokumenteve të rëndësishme.
Gjatë takimit u prezantuan rezultatet e deritanishme të procesit të hartimit të Programit dhe Planit të Veprimit, ndërsa pjesëmarrësit patën mundësinë që përmes diskutimeve të hapura të kontribuojnë në përcaktimin e politikave dhe masave të ardhshme në fushën e mbrojtjes dhe avancimit të të drejtave të njeriut dhe lirive themelore.
Lajmet e fundit
