20.06.2023. » 20:36 | ACDC

Njoftim për media: OJQ dhe mediat dënojnë sulmet e fundit ndaj mediave

Organizatat e shoqërisë civile dhe mediat ashpër dënojnë sulmet e fundit ndaj mediave serbe dhe shqiptare me rastin e raportimit të tyre në veri të Kosovës. Sulmet ndaj gazetarëve paraqesin një kërcënim serioz ndaj lirisë së mediave dhe parimeve demokratike për të cilat përpiqemi si shoqëri.

njoftim-per-media-ojq-dhe-mediat-denojne-sulmet-e-fundit-ndaj-mediave — FOTO: ACDC

Jemi thellësisht të shqetësuar për shtimin e sulmeve verbale dhe fizike ndaj gazetarëve që kryejnë punën e tyre në terren. Gazetaria e lirë është një shtyllë bazë e demokracisë dhe çelësi për ndërtimin e një shoqërie të hapur në të cilën respektohen të drejtat e njeriut dhe sundimi i ligjit. Sulmet ndaj gazetarëve janë shkelje e drejtpërdrejtë e këtyre vlerave.

U bëjmë thirrje të gjithë akterëve relevantë, përfaqësuesve politikë lokalë, përfaqësuesve të bashkësisë ndërkombëtare, që të ndërmarrin masa të menjëhershme për t’u mundësuar gazetarëve të kryejnë pa pengesa detyrat e tyre dhe të parandalojnë sulmet dhe kërcënimet e mëtejshme verbale dhe fizike. Kjo nënkupton sigurimin e mbrojtjes adekuate për gazetarët.

Gjithashtu, ftojmë të gjithë qytetarët, si dhe organizatat e shoqërisë civile, të mbështesin lirinë e medias dhe gazetarisë. Një shoqëri e informuar kërkon diversitet mendimi, liri të shprehjes dhe qasje në informacionin përkatës. Është e nevojshme të punojmë së bashku nëkrijimin e një mjedis ku gazetarët mund të bëjnë punën e tyre pa frikë nga ndonjë formë sulmi, presioni apo frikësimi.

Mbesim të përkushtuar në mbështetjen e gazetarëve në përpjekjet e tyre për të ofruar raportim objektiv, të paanshëm dhe të vërtetë. Do të vazhdojmë të luftojmë për lirinë e medias dhe fuqizimin e profesionit të gazetarisëpër ndërtimin e një shoqëri demokratike.

Nëshkruesit: