19.01.2024. » 16:21 | ACDC
THIRRJE PËR PJESËMARRJE NË PUNËTORITË MBI DIVERSITETIN KULTUROR
Nisma jonë, kushtuar të rinjve të moshës 15 deri në 29 vjeç, synon të nxitë pasionin për të mësuar dhe të ndërtojë ura mirëkuptimi ndërmjet kulturave të ndryshme.
Mirë se vini në botën frymëzuese të diversitetit kulturor! Nisma jonë, kushtuar të rinjve të moshës 15 deri në 29 vjeç, synon të nxitë pasionin për të mësuar dhe të ndërtojë ura mirëkuptimi ndërmjet kulturave të ndryshme. Nëpërmjet një sërë të punëtorive dinamike, ne duam të krijojmë një hapësirë të sigurtë ku të rinjtë entuziast mund të lidhin idetë e tyre, të ndajnë përvojat dhe të punojnë së bashku për të ndërtuar ura midis komuniteteve të ndryshme.
Kjo iniciativë gjithëpërfshirëse fokusohet në ndërtimin e urave të mirëkuptimit dhe bashkëpunimit ndërmjet aktivistëve të rinj të kulturës, me theks të veçant tek të rinjtë nga komunitetet joshumicë në Kosovë. Ne u ofrojmë atyre mundësinë që të ndajnë në mënyrë aktive perspektivat, përvojat e tyre dhe të kontribuojnë në një dialog më të gjerë mbi diversitetin kulturor.
Punëtoritë do të drejtohen nga ligjërues dhe ekspertë me përvojë në fushat e studimeve ndërkulturore, komunikimit dhe edukimit artistik. Nëpërmjet diskutimeve interaktive, aktiviteteve krijuese dhe nismave të përbashkëta, ne synojmë të nxisim mirëkuptimin, respektin dhe bashkëpunimin ndërmjet të rinjve me bagazh të ndryshëm kulturor.
Bashkohuni me ne nga shkurti deri më mars 2024 në ambientet e organizatës sonë në adresën, rr. Çika Jovina 3, ndërtesa e North City Center, Mitrovica e Veriut. Aplikimet janë të hapura për të gjithë të rinjtë/rejat e interesuar/a, pavarësisht përvojës së mëparshme apo formimit profesional. Dëshira juaj për të mësuar dhe për t'u angazhuar në diversitetin kulturor janë kriteret kryesore. Punëtoritë janë pa pagesë për pjesëmarrësit/et e përzgjedhur/a, ndërsa të gjitha shpenzimet e organizimit të programit mbulohen nga Qendra Avokuese për Kulturë Demokratike - ACDC.
Detajet rreth aplikacioneve mund t'i gjeni në faqen tonë të internetit www.acdc-kosovo.org, duke plotësuar formularin e aplikimit në rubrikën NJOFTIM PËR LAJME - NGJARJE. Afati i fundit për dërgimin e aplikacioneve është nga data 19 janar deri më 31 janar 2024 deri në orën 23:59.
Ju lutemi plotësoni me kujdes formularin e aplikimit për pjesëmarrje në programin "Urat e Diversitetit". Këto informata do të na ndihmojë të kuptojmë interesin tuaj dhe të përshtatim programin sipas nevojave tuaja. I gjithë informacioni do të trajtohet në mënyrë konfidenciale
Për pyetje apo informata shtesë, mos ngurroni të na kontaktoni me email adresën:
ines.aljovic@acdc-kosovo.org.
Bashkohuni me ne, në këtë aventurë frymëzuese, ku angazhimi juaj do të jetë kyç për të formuar një të ardhme të bazuar në mirëkuptim, respekt dhe bashkëpunim ndërmjet të rinjve nga sfera të ndryshme kulturore. Kontributi juaj ka potencial të ketë një ndikim afatgjatë e pozitiv në rajonin tonë.
Shihemi në rrugën drejt krijimit të një shoqërie më të lidhur dhe më gjithëpërfshirëse!
Lajmet e fundit
