16.06.2025. » 14:33 | ACDC
Konferencë - Punësimi dhe përfshirja institucionale e komuniteteve joshumicë në Kosovë - 24 qershor 2025
Organizata joqeveritare Qendra për Avokim të Kulturës Demokratike (ACDC) ka kënaqësinë t’ju ftojë të merrni pjesë në konferencën kushtuar të drejtave institucionale të komuniteteve joshumicë, me fokus të veçantë në punësimin e anëtarëve të komunitetit serb në institucionet publike të Kosovës.
Gjatë konferencës do të prezantohet një analizë gjithëpërfshirëse e dispozitave kushtetuese dhe ligjore për mbrojtjen e komuniteteve joshumicë në Kosovë. Po ashtu, do të prezantohen rezultatet e një hulumtimi cilësor që fokusohet në arsyet pse të rinjtë e komunitetit serb të Kosovës tregojnë interesim të kufizuar për punësim në institucionet e Kosovës.
Qëllimi i konferencës është që, përmes një diskutimi të hapur me përfaqësues të institucioneve, shoqërisë civile dhe organizatave ndërkombëtare, të identifikojë sfidat kryesore dhe të ofrojë rekomandime për përmirësimin e përfaqësimit institucional dhe punësimit të anëtarëve të komunitetit serb, si dhe të kontribuojë në zbatimin më të mirë të kuadrit ligjor ekzistues që garanton të drejtat e komuniteteve joshumicë në Kosovë.
Panelistët:
- Emilija Redžepi, Zëvendëskryeministre për Çështje të Komuniteteve dhe të Drejtat e Njeriut
- Naim Qelaj, Avokati i Popullit – Institucioni i Avokatit të Popullit të Kosovës
- Nenad Rašić, Ministër për Komunitete dhe Kthim
- Habit Hajredini, Drejtor i Zyrës për Qeverisje të Mirë
- Ognjen Gogić, Hulumtues
Moderatore: Aleksandar Rapajiq, ACDC
Diskutimi do të mbahet më 24 qershor 2025 në ambientet e hotelit Sirius në Prishtinë, duke filluar nga ora 11:00. Përkthimi do të ofrohet në gjuhën serbe, angleze dhe shqipe.
Lajmet e fundit
