20.06.2025. » 15:08 | ACDC
Konferencë - Profesionet e lira juridike përmes prizmit të komuniteteve joshumicë 26 qershor 2025
Organizata joqeveritare Qendra për Avokim dhe Kulturë Demokratike (ACDC) ka kënaqësinë t'ju ftojë të merrni pjesë në një konferencë publike të fokusuar në fuqizimin e qasjes në drejtësi për komunitetet joshumicë në Kosovë përmes përmirësimit të përfaqësimit të tyre në profesionet e lira juridike.
Konferenca do të fokusohet në përfshirjen dhe përfaqësimin e komuniteteve joshumicë në profesionet e lira juridike në Kosovë, duke përfshirë noterët, avokatët, përmbaruesit dhe ndërmjetësuesit. Vëmendje e veçantë do t'i kushtohet gjendjes aktuale të shërbimeve në këto profesione, sfidave dhe rekomandimeve për përmirësime dhe përfshirje më të mirë të kandidatëve joshumicë.
Gjithashtu, do të prezantohet një raport vlerësimi mbi profesionet e lira juridike "nga prizmi i komuniteteve joshumicë" si hyrje për prezantimet e panelistëve dhe diskutim. Raporti përfshin një analizë të situatës aktuale, të pasuar me rekomandime për rritjen e përfshirjes.
Panelistët:
- Z. Eros Gashi, këshilltar i Ministres së Drejtësisë
- Përfaqësuesi i Odës së Noterëve të Kosovës (në pritje të konfirmimit)
- Z. Artan Osmani, noter
- Z. Boban Petković, avokat dhe kandidat për noter
- Z. Ljubomir Pantović, avokat
- Z. Ehat Miftaraj, drejtor ekzekutiv i Institutit të Kosovës për Drejtësi
- Z. Dušan Radaković, drejtor ekzekutiv i OJQ ACDC
Konferenca do të mbahet më 26 qershor 2025, duke filluar nga ora 11:00, në Qendrën për Energji Qytetare (CEC), Mitrovicë e Veriut.
Lajmet e fundit
