Ndërtimi i besimit përmes të drejtave të njeriut – Faza II

Projekti promovon dialogun gjithëpërfshirës me shoqërinë civile, rrit transparencën dhe u mundëson qytetarëve të marrin pjesë në mënyrë aktive në proceset vendimmarrëse, duke kontribuar kështu në uljen e tensioneve dhe forcimin e sundimit të ligjit në veri dhe në pjesë të tjera të Kosovës.

Aktivitetet kryesore

• Organizimi i Forumit të Bashkëpunimit ndërmjet Institucionit të Avokatit të Popullit dhe organizatave të shoqërisë civile.
• Organizimi i diskutimeve publike, tryezave të rrumbullakëta dhe dialogëve me komunitetet mbi çështjet aktuale të të drejtave të njeriut në mbarë Kosovën.
• Bashkëpunimi me Institucionin e Avokatit të Popullit, Zyrën për Qeverisje të Mirë dhe institucione të tjera publike në aktivitetet që lidhen me të drejtat e njeriut.
• Vizita të pavarura monitoruese në qendrat e paraburgimit dhe institucionet korrektuese për të vlerësuar kushtet dhe për të identifikuar shqetësimet e mundshme lidhur me të drejtat e njeriut.
• Zbatimi i programit të trajnimit „Avokatët e Rinj të të Drejtave të Njeriut“ për të rinjtë nga komuniteti serb dhe komunitetet e tjera joshumicë.
• Mbështetja e bashkëpunimit më të madh ndërmjet Komiteteve për Komunitete, autoriteteve komunale, institucioneve qendrore dhe organizatave të shoqërisë civile.

Rezultatet e pritshme

• Përmirësimi i bashkëpunimit dhe dialogut ndërmjet institucioneve për të drejtat e njeriut, shoqërisë civile dhe komuniteteve lokale.
• Rritja e ndërgjegjësimit dhe përmirësimi i qasjes në mekanizmat për mbrojtjen e të drejtave të njeriut.
• Përgjigje më e fuqishme institucionale ndaj shqetësimeve dhe nevojave të komuniteteve lokale, veçanërisht komuniteteve joshumicë.
• Përmirësimi i mbikëqyrjes së kushteve në qendrat e paraburgimit dhe institucionet korrektuese dhe forcimi i parandalimit të shkeljeve të mundshme të të drejtave të njeriut.
• Të rinjtë të pajisur me njohuri dhe aftësi praktike për promovimin dhe avokimin e të drejtave të njeriut.
• Forcimi i kapaciteteve të Komiteteve për Komunitete për të përfaqësuar interesat e komuniteteve dhe për të marrë pjesë në vendimmarrjen lokale.
• Rritja e pjesëmarrjes së komuniteteve lokale dhe shoqërisë civile në diskutimet dhe aktivitetet e avokimit për të drejtat e njeriut.